Ka nisur sot në orën 18:00 sesioni i ri parlamentar. Mbledhja u hap nga kreu i Kuvendit, Gramoz Ruci i cili tha në fillim të fjalës së tij se ky sesion vjen pas një sesioni të vështirë “pas lënies së mandateve nga opozita”. Gjithashtu Ruçi shtoi si kjo gjë “nuk ndaloi funksionimin e sistemit tonë parlamentar”.
“Janë zëvendësuar rreth 70% e mandateve të deputetëve. Parlamenti ka shumicë të kualifikuar për të miratuar çdo akt ligjor” tha Ruçi. Kreu i Kuvendit nënvizoi gjatë fjalës së tij faktin se parlamenti arriti të qëndronte funksional dhe të luante rolin e tij të parashikuar nga Kushtetuta, e cila sipas tij “i rezistoi të gjithë aventurave duke shpëtuar kështu sistemin politik të Shqipërisë nga anarkia dhe kaosi”
Ruçi theksoi gjithashtu se Kuvendi ka përmbushur të gjitha rekomandimet e Komisionit Europian si dhe njohu si ekskluzivitet të Kuvendit “Reformën në Drejtësi”.
Sa i përket reformës zgjedhore, gjatë fjalës së tij Kreu i Kuvendit tha se në këtë nismë nuk do të angazhohet vetëm mazhoranca dhe opozita parlamentare por edhe ajo jashtë parlamentit. “Dora e shtrirë për opozitën nuk është për shijet e djalit plan prishës” tha Ruçi duke ju referuar kreut të opozitës por sipas tij kjo reformë duhet çuar përpara për të mbrojtur Kushtetutën. /Opinion.al
