Juventusi ka arritur të shënojë fitore me rezultat 2-3 në ndeshjen e parë të këtij sezoni në Seria A.
Ndeshja e parë e bardhëezinjve kundër Chievo Veronas nuk doli të jetë e lehtë ashtu siç parashikohej në letër.
Juventinët e filluan mirë ndeshjen dhe kaluan në epërsi në minutën e tretë me anë të Sami Khediras.
Por, Chievo arriti ta barazojë fillimisht rezultatin në minutën e 38 me Mariusz Stepinski e më pas edhe kaluan në epërsi me golin e Emanuele Giaccherini.
Kampionët në fuqi i ktheu në lojë një autogol i Mattia Bani në minutën e 75.
Kur u mendua se ndeshja do mbaronte me barazim, fitoren Juves ia sjelli Federico Bernardeschi në minutën e 93.
Cristiano Ronaldo debutoi me Juventusin, por nuk arriti të shënonte në këtë ndeshje të parë për klubin e ri.
