Serbia e ka bërë të padobishme “autostradën energjetike”, që lidh Kosovën me Shqipërinë. Ajo vazhdon të interferojë në sistemin energjetik të Kosovës, duke përfshirë edhe linjën e re 400kV të Interkoneksionit, në të cilën janë investuar miliona euro nga të dyja vendet.
Operatori i Sistemit, Transmisionit dhe Tregut të Energjisë Elektrike të Kosovës (KOSTT) ende nuk po operon si bllok kontrollues, por as të bëjë menaxhimin komercial të koncestioneve në linjat interkonektive të Kosovës.
Nga ndërhyrja e Serbisë, linja e ndërtuar nuk është lëshuar për qëllime komerciale, shkruajne mediat vendase.
Madje, nuk mund të jetësohet as marrëveshja e nënshkruar në mes të operatorëve të dy
shteteve për rregullim sekondar, përkundër që në kuadër të projektit të linjës 400 kV është bërë edhe instalimi i pajisjeve të tensionit të lartë, si dhe infrastruktura e nevojshme për bërë edhe instalimi i pajisjeve të tensionit të lartë, si dhe infrastruktura e nevojshme për ofrimin e shërbimeve të rregullimit sekondar (frekuencë – fuqi). Në ditën e lëshimit të linjës 400 kV në punë, ndërhyrja e Serbisë në pronën e Kosovës është ngritur si çështje në nivel të 2 qeverive.
Linja 400 KW e interkonjeksionit mes Shqipërisë dhe Kosovës u inaugurua të martën ku të pranishëm në ceremoninë e organizuar ishin edhe kryeministrat e Shqipërisë dhe Kosovës, Edi Rama dhe Isa Mustafa.
