Rusia do të dërgojë sistemet raketore për mbrojtje në Serbi, pavarësisht paralajmërimeve të Shteteve të Bashkuara për sanksione të mundshme kundër shtetit serb, nëse vazhdon procesin.
Agjencia ruse e lajmeve, TASS ka raportuar se sistemi, Pantsir-S do të dërgohet në Serbi në muajt e ardhshëm në përputhje me kontratën e nënshkruar.
Ndërkaq, presidenti serb, Aleksandër Vuçiç ka thënë më dy ditë më parë se Serbia do të blejë sistemet raketore për mbrojtje nga rusët dhe se dëshiron të anashkalojë sanksionet amerikane apo ndonjë përballje me Amerikën.
Kujtojmë se muajin e kaluar, Serbia ka realizuar stërvitje të përbashkëta ushtarake me Rusinë, në të cilat janë pozicionuar sistemet raketore ruse, S-400 dhe Pantsir-S.
Dy vendet kanë marrëdhënie të ngushta politike dhe ekonomike, pavarësisht synimit të Serbisë për anëtarësim në Bashkimin Evropian.
Megjithatë, Beogradi është zotuar për t’u mos anëtarësuar në NATO dhe ka refuzuar t’i vendosë sanksione Rusisë sa i përket anekesimit të Krimesë nga Ukraina./Opinion.al
