Serbia bën gati ushtrinë kundër Kosovës? Ja pretendimet e mediave vendase

“Shqiptarët e Kosovës përgatiten që të shtunën në mëngjes të hyjnë në veri të KosovëS dhe ta marrin Ujmanin në mënyrë, që të heqin munësinë që serbët të fitojnë diçka në Kosovë”, shkruan gazeta serbe “Kurir”.

“Sot në orën 13, shërbimet e sigurisë së Kosovës” kanë një takim me kreun e pushtetit për t’u marrë vesh për detaje të këtij skenari i cili po përgatitet me ditë të tëra”, pretendon gazeta serbe.

Kjo gazetë pretendon se “ka zbuluar” se, prej disa ditësh, janë lëshuar dezinformatat mbi konfliktin dhe po përgatitet terreni për aksionin e nesërm.

Gazeta vazhdon se, “hyrja në veri të Kosovës ka për qëllim të pamundësojë formimin e Asociacionit të Komunave me Shumicë Serbe dhe ta bëjnë pozitën e serbëve të pavolitshme në negociata në Bruksel”.

Gjithashtu shtohet se ushtria e Serbisë, policia serbe dhe shërbimet e sigurisë janë në gjendje gatishmërie.