Në ceremoninë e inaugurimit të Presidentit të SHBA, Donald Trump po merr pjesë dhe kreu i PR, Fatmir Mediu. Zyra e shtypit thotë se ai ka zhvilluar një sërë takimesh me kongresmenë dhe zyrtarë amerikanë së bashku dhe me kreun e PD-së, Lulzim Basha.
Sipas zyrës së shtypit, Basha dhe Mediu janë pritur nga senatori dhe kandidati republikan për President Ted Cruz. Po kështu ata kanë takuar ish-Kryetarin Newt Gingrich që është dhe keshilltar i Trumpit dhe shumë zyrtarë të tjerë.
“Ata bënë prezent situatën e rënde në Shqipëri me krimin dhe korrupsionin, trafikun e droges dhe kembenguljen e Rames per te manipuluar zgjedhjet nepermjet strukturave te shtetit te lidhura me krimin si dhe parave te droges”, njofton zyra e shtypit e Partisë Republikane.
“Senatori Cruz theksoi angazhim e administrates Trump, per zhvillimet ne nje vend si Shqiperia aleat i SHBA ne NATO, i cili duhet te plotesoje gjithe detyrimet per respektimin e votes se qytetareve dhe nje qeverisje te painkriminuar. Ata theksuan se do ndjekin me vemendje zhvillimet ne Shqiperi dhe do jene ne mbeshtetje te opozites per zgjedhje te lira dhe te ndershme si dhe çlirimin e Shqipërisë nga korrupsioni dhe interesa qe s’kanë asgje te perbashket me partneritetin e Shqiperise me SHBA “, thuhet në njoftimin për mediat.
