Justin Bieber, Hailey Baldwin dhe Selena Gomez kanë qenë emrat më të përmendur në faqet rozë. Ylli i popit është fotografuar disa herë me lot në sy dhe pati spekulime se ai ndihej keq për gjendjen psikologjike të ish-të dashurës së tij.
Por, veprimi i tij i fundit tregoi të kundërtën. Ai dhe bashkëshortja e tij, Hailey kanë bërë tatuazh dedikuar dashurisë për njëri-tjetrin vetëm pak javë pasi u martuan.
Artisti që i bëri tatuazhin këngëtarit tha se punimet nuk janë tradicionale. Sipas tij, Justin ka zgjedhur të bëjë disa shkronja të vogla në fytyrë vetëm për të dashurën e zemrës.
“Secili bëri një tatuazh. Justin e bëri në fytyrë dhe nuk kam parë ende asnjë fotografi. Është me të vërtetë i vogël dhe delikat, nuk është tatuazh që bëjnë çiftet zakonisht. Nuk dua ta zbuloj derisa mediat të kenë një fotografi”, tha artisti Bang Bang, emri i vërtetë i të cilit është Keith McCurdy.
