Kastriot Ismailajt, ish-administratorit të DIA që u kontraktua për të mbledhur borxhet e CEZ i është konfiskuar pasuria me vlerë 3.7 milion dollarë.
Nën drejtimin e kreut të gjykatës së Krimeve të Rënda Sandër Simoni, trupa gjyqësore vendosi bllokomin e gjashtë llogarive bankare të Ismailajt, llogari në të cilat prej më shumë se një dekade janë qarkulluar nga Shqipëri jashtë dhe anasjelltas plot 10 milion dollarë.
Aktualisht, Ismailaj është nën hetim për mashtrim me pasoja të rënda, falsifikim dokumentash dhe evazion fiskal proces që po zhvillohet në gjykatën e Tiranës.
Vetë Ismailaj e ka mohuar versionin e gjykatës dhe prokurorisë se pasuria e tij është e pajustifikuar dhe ka deklaruar se ajo është transferuar me Banka dhe po të ishte pastrim parash do ishte bllokuar me kohë.
3.7 milion USD, Ismailaj i kishte të depozituara nga plot 11 llogari bankare, ndërsa kërkesa e prokurorisë për konfiskim të një llogarie prej 30 mijë dollar është pushuar pasi nuk është gjetur fizikisht.
