Në portin e Durrësit janë sekuestruar 500 celularë të markave të fundit, të cilët tentoheshin të futeshin në vendin tonë kontrabandë.
Aksioni u zhvillua nga Policia Kufitare e Portit të Durrësit.
Sikurse njofton policia, është bërë kontroll në autobusin me drejtues shtetasin I. F. dhe si rezultat janë konstatuar mbi 25 pako brenda të cilave ndodheshin rreth 500 telefona celular pa faturë shoqëruese dhe një sasi rrobash.
Gjatë kontrolleve janë sekuestruar një sasi eurosh dhe paundësh të cilat po numërohen. Po ashtu mësohet se vijon kontrolli i imtësishëm për gjetjen e sendeve të tjera të kundërligjshme./Opinion.al
