Policia greke ka arrestuan këtë të martë nëntë persona, të cilët akuzohen se po transportonin më shumë se 100 kilogramë kokainë, e cila përmes një konteineri me banane të nisur nga vendet e Amerikës Latine mbërriti në Portin e Selanikut.
Gjashtë nga të arrestuarit ishin me origjinë greke dhe tre të huaj, ndërsa një tjetër shtetas nga Shkupi është shpallur në kërkim.
Policia greke kishte informacion për këtë ngarkesë droge dhe vendosi të mbante nën monitorim konteinerin për të parë pritësit që do të merrnin kokainën
Mediat greke bëjnë me dije se operacioni u zhvillua në Diavatë kur policia ndaloi dy makinat me të cilat udhëtonin autorët dhe në të cilat transportohej ngarkesa ilegale.
Nga porti, ngarkesa u transportua me 2 automjete në një magazinë në Agios Athanasios të Selanikut, të cilat u nisën me vonesë.
Magazina u monitorua nga Drejtoria e Drogës dhe sapo automjetet nisën të largoheshin pasditen e djeshme, u krye kontrolli ku u gjetën 104 kilogramë e 611 gramë kokainë. Nga dita e djeshme janë vënë në pranga 9 persona (6 shtetas dhe 3 të huaj) dhe një person tjetër nga Shkupi që është shpallur në kërkim.
Janë bërë 3 kontrolle në shtëpi nga të cilat janë konfiskuar gjithsej 101.900 euro dhe janë gjetur 800 gramë kanabis në shtëpinë e njërit prej tyre.
Ndërkohë sipas informacioneve do të zhvillohen edhe 6 kontrolle të tjera në shtëpitë e të dyshuarve./Opinion.al
