Sekretari i Përgjithshëm i Ministrisë së Jashtme greke Theoharis Lalakos, dhe ambasadorja greke në Shqipëri pritet që të vijnë sot në Shqipëri, ku do të takohen me Fredi Beleri dhe Pandeli Kokaveshin të cilët ndodhen në paraburgim, pasi u arrestuan 2 ditë para zgjedhjeve vendore të 14 majit.
Beleri dhe Kokaveshi akuzohen për blerje votash dhe tashmë dosja e Belerit i ka kaluar SPAK.
Ka qenë media greke Neësbomb.gr që ka dhënë lajmin dhe shkruan se Greqia po përgatit lëvizjet e veta në tabelën diplomatike, pas qëndrimit të kryeministrit Edi Rama për ndërhyrje të Athinës në punët e brendshme të Shqipërisë.
Në artikull thuhet më tej se vizita e Theoharis Lalakos, vjen në kuadër të udhëzimeve nga Minisitri i Punëve të Jashtme në Greqi Nikos Dendias. Sekretari i Përgjithshëm do të informohet për gjendjen shëndetësore të Belerit dhe Kokaveshit dhe kushtet e ndalimit të tyre, ndërsa në konsultim me Ambasadën e Greqisë në Shqipëri do të shqyrtohen veprimet e radhës për trajtimin e çështjes.
Njëkohësisht, në vijim të udhëzimeve përkatëse të Ministres së Jashtme greke, ambasadorja e Greqisë në Shqipëri, Konstantina Kamitsi, ka kërkuar tashmë të takohet me Belerin. Ambasadori grek është në komunikim të vazhdueshëm me familjet dhe avokatët e tyre./Opinion.al
