Shtyhet seanca e parë në themel ndaj ish- kryetarit të Bashkisë Kukës Safet Gjici, në Apelin e Posaçëm Antikorrupsion.
Seanca është shtyrë më datë 20 qershor, për shkak të mos paraqitjes së Alma Kaçit.
Kujtojmë se Safet Gjici u dënua më datë 7 shkurt të këtij viti nga shkalla e parë me 3 vite burg, në aplikim të gjykimit të shkurtuar në 2 vite, nën akuzën e “shpërdorimit të detyrës”.
Përveç dënimit, Gjykata e Posaçme Antikorrupsion i hoqi Gjicit të drejtën për të ushtruar funksione publike për 5 vite.
Ndërsa për Alma Kaçin, gjykata vendosi dënim me 1 vit e 6 muaj, me gjykim të shkurtuar dënimi zbriti në 1 vit heqje lirie.
