Tre lojtarë të famshëm të futbollit në botë pritet të deklarojnë brenda pak ditësh orientimin e tyre seksual, të të qenurit gay. Lajmi është bërë me dije nga një prej anëtarëve të Kulturës, Medias dhe Komitetit të Sportit, John Nicolson.
Sipas tij, treshja e futbollistëve gay, është në bisedime me Federatën angleze të Futbollit për të bërë publik orientimin e tyre seksual, duke dhënë kështu një nga shembujt e parë në historinë e futbollit.
Nicolson tha: “Unë e kuptoj se ata tre lojtarë, që janë në bisedime me FA rreth orientimit të tyre sekseual, duan ta thonë publikisht dhe ata nuk e kanë ndërmarrë ende një hap të tillë.”
Mirëpo, ministrja e Sporteve Tracey Crouch, ka kritikuar kryetarin e FA, Greg Clarke, pasi ai bëri me dije se nuk do ta rekomandonte një gjest të tillë nga lojtarët.
Crouch e quajti komentin e tij zhgënjyes dhe beson se ai deklarim është i dëmshëm dhe jo inkurajues për të gjithë ata persona që duan të pranohen në shoqëri për atë që janë në të vërtetë, pavarësisht seksualitetit të tyre.
Ajo ka theksuar se do të inkurajojë këdo futbollist për të shprehur publikisht orientimin e tij seksual, duke shtuar, se ky është një vendim personal i marrë nga ata, por që të gjithë do kenë mbështetjen e institucioneve të qeverisë.
Crouch shtoi: “Në qoftë se ju keni marrë vendimin e drejtë në fillim duke thënë se tani nuk është koha e duhur, nuk është çudi që në shumë aspekte ata të mbeten të frikësuar.”
