Nëse deri më sot keni konsumuar kafenë që del nga makineria që keni në punën tuaj, këtë herë mendohuni mirë përpara se ta bëni këtë veprim. Kështu thotë një studim i bërë në Suedi për konsumin e kafesë që merret nga makineria, kryesisht në ambiente zyrash ose pune.
I gjithë studimi lidhet me nivelin e lartë të substancave që nxisin rritjen e kolesterolit në kafetë që shërbehen nga këto makineri.
“Procesi i filtrimit është vendimtar për praninë e këtyre substancave të cilat rrisin kolesterolin në kafenë që ju konsumoni”, shpjegon studiuesi David Iggman.
Sipas tij, është e vështirë për të identifikuar se në çfarë përmase dhe ku mund të ndeshet kjo problematikë, pasi jo të gjitha makineritë e kafesë munden ti filtrojnë këto substanca.
Iggman ndalet tek efektet që sjell kjo substancë tek trupi i njeriut, duke përmendur sëmundjet kardiovaskulare që shkakton prania e kolesterolit të keq.
“Kur është i pranishëm në trup, mund të kthehet në problem për organizmin si dhe për muret e arterieve të cilat forcohen dhe ngushtohen, duke nxitur kështu në rastet më fatale, sulm në zemër ose goditje në tru”, thotë studiuesi.
Më tej, ai saktëson se për personat që pinë kafe rregullisht, këshillohet që filtrimi i tyre të jetë në një nivel të preferueshëm, duke i shmangur ata ndaj risqeve potenciale të sëmundjeve kardiake.
Në këtë mënyrë, ata nuk do të tresin në organizëm, substanca që nxisin performancën e kolesterolit, dhe i bënë ata më të vetëdijshëm për produktin që konsumojnë gjatë ditës.
