Ilir Meta duhet të ishte në listën e mbyllur të kandidatëve të Aleancës për Shqipërinë Madhështore. Kjo është analiza e Baton Haxhiut në studion e “Opinion” në Tv Klan, i cili i drejtohet Erisa Xhixhos se kanë gabuar që e kanë lejuar të jetë pjesë e listës së hapur.
Xhixho thotë se ka pasur kundërshtime , por vendimi ka qenë plotësisht i tiji. Ajo është e sigurt se kjo zgjedhje nuk do ta kërcënojë pozicionin e tij dhe madje, parashikon se do të jetë deputeti më i votuar në Tiranë.
Baton Haxhiu: Gabim! Mendoj që as aty ku është nuk është dashur të shkojë karriera e tij, as ju si listë e përbashkët madhështore nuk është dashur ta lini Ilir Metën.
Erisa Xhixho: Kemi qenë kundër. Ka qenë vendim i panegociueshëm i Ilir Metës. Ka qenë vendim i tiji personal. Personalisht kam qenë kundër, edhe kryesia.
Baton Haxhiu: Kur dikush nuk është jashtë, nuk e ka fuqinë dhe nuk e përjeton njeriun që është aty, është e vështirë që me këtë heshtje që keni karshi Ilir Metës ta shndërroni në figurë viktimizuese për të marrë votat.
Erisa Xhixho: Përkundrazi.
Baton Haxhiu: As në figurën dinjitoze! Gabim!
Erisa Xhixho: Me vendimin e tij ka mobilizuar shumë njerëz, po them njerëz të tij që nga klasa e parë, themelues të LSI, socialistë jo rilindas, të gjithë bashkëpunëtorët e tij sepse vendimmarrja e tij ishte e guximshme, sfiduese.
Baton Haxhiu: A kërkove mendimin tim?
Erisa Xhixho: Po, por je gabim në rastin e viktimës se s’është Ilir Meta për viktimizim.
Baton Haxhiu: Ilir Meta s’mundet kurrë të jetë viktimë. S’mund ta viktimizoni për të marrë votat.
Erisa Xhixho: Është vendimmarrja e tij, as po viktimizon njeri fare.
Baton Haxhiu: Gabim!
Erisa Xhixho: Ai është në izolim politik aty ku është…
Baton Haxhiu: Ky është gabim i krenarisë së tij, gabim!
Erisa Xhixho: Ashtu e gjykon.
Baton Haxhiu: Duhet që ju të mendonit racionalisht.
Erisa Xhixho: E ke njohur nga afër Ilir Metën kur thoshte “po, po!”, “jo, jo!” Epo tani, ti e di shumë mirë si i merr vendimet Ilir Meta dhe sa i vendosur është në vendimet e tij.
Baton Haxhiu: Ka gabuar apo jo? A mund t’ia sigurosh votat ti Ilir Metës që të bëhet deputet?
Erisa Xhixho: Ne po bëjmë maksimumin.
Baton Haxhiu: A mundesh apo jo?
Erisa Xhixho: Ai ia garanton vetes. Është emri i Ilir Metës që ia garanton vetes, nuk ka nevojë për të tjerët. Absolutisht! Do të jetë deputeti më i votuar në qarkun e Tiranës, këtu do të jemi! Më i votuar! Mbi 30 mijë, 40 mijë do të jenë për Ilir Metën. E para për atë që përfaqëson Ilir Meta dhe është një konsekuencë e qëndrimeve të tij. Nuk mund ta mbyllte veten Ilir Meta në listë të mbyllur në qoftë se e di karrierën politike të Ilir Metës që bëri grevë urie në 2008 në listat e hapura, në 2005, mund ta vendoste veten në listë të sigurt proporcional por shkoi në qarkun e Beratit dhe u ballafaqua me elektoratin. Në të njëjtën konsekuencë lidershipi, vendosi veten në listë të hapur në qarkun e Tiranës dhe ka mobilizuar jashtëzakonisht shumë persona. Shkruan mbi 200 letra në ditë që ne ia çojmë edhe qytetarëve, simpatizantëve, miqve të tij, jemi në kontakt të vazhdueshëm.
