Kryeministri Edi Rama nuk do të jetë i papranishëm as ditën e sotme në seancën plenare. Mësohet se ai do të niset drejt Francës, me ftesë të presidentit francez Emmanuel Macron.
Kryeministri e kishte paralajmëruar edhe më herët që do të jetë në Paris dhe do të marrë pjesë në Forumin e Paqes, i cili do të zhvillohet më 10 dhe 11 nëntor.
Pjesë e diskutimeve në forum do të jetë edhe lufta në Lindjen e Mesme, ku do të flitet mbi mënyrat për rivendosjen e paqes.
Gjithashtu kryeministri nuk do të marrë pjesë as në prezantimin e Raportit të Komisionit Europian për Shqipërinë 2023.
Prezantimi i raportit do të bëhet nesër nga zv/kryeministrja Belinda Balluku dhe ambasadori i BE-së në Shqipëri, Luigi Soreca.
