Kancelari gjerman Olaf Scholz priti sot në Kancelarinë Federale kryetarët e shteteve dhe qeverive të gjashtë vendeve të Ballkanit Perëndimor, si dhe ministrat e Jashtëm dhe të Ekonomisë, në kuadër të Procesit të Berlinit.
Kryeministri Edi Rama, i cili ndodhet i pranishëm në këtë takim, ka ndarë foto teksa ndodhet pranë kancelarit gjerman Olaf Scholz.
Në samitin e 10 të Procesit të Berlinit pritet miratimi i planit të ri për Tregun e Përbashkët Rajonal dhe një marrëveshje për lehtësimin e studimeve në vendet e rajonit.
Përveç gjashtë vendeve të Ballkanit Perëndimor, kanë marrë pjesë gjithashtu vendet partnere, përfaqësues të Bashkimit Evropian.
View this post on Instagram
