Një 48-vjeçar është shpallur në kërkim në qytetin e Sarandës, pasi akuzohet se vodhi një shumë parash në një dyqan.
Po ashtu policia njofton se dyshohet që shtetasi me iniciale J.K. ka tentuar të kryejë marrëdhënie seksuale me dhunë ndaj shitëses së dyqanit.
Sipas informacioneve të policisë, 26-vjeçarja ka pësuar dëmtime fizike nga kjo ngjarje.
“Specialistët për Hetimin e Krimeve në Komisariatin e Policisë Sarandë referuan materiale në Prokurori dhe shpallën në kërkim shtetasin J. K., 48 vjeç, pasi ditën e djeshme, në një dyqan në lagjen nr. 2, Sarandë, dyshohet se nën kërcënimin e një mjeti prerës (thike), ka vjedhur me dhunë një shumë prej 60000 lekësh nga shitësja e dyqanit, 26 vjeçe, e cila si pasojë ka pësuar dëmtime fizike. Gjithashtu, dyshohet se ka tentuar të kryejë marrëdhënie seksuale me dhunë ndaj saj”, njoftoi policia.
Autoritetet thonë se po vijon puna intensive për lokalizimin dhe kapjen e autorit të dyshuar.
