Kur na ndajnë edhe pak orë nga nisja e Samitit të Komunitetit Politik Europian në Tiranë, liderët europian kanë nisur të zbarkojnë që prej ditës së sotme në kryeqytetin shqiptar.
Kryeministri finlandez, Petteri Orpo ishte miku i radhës i pritur pasditen e sotme nga kreu i qeverisë Edi Rama.
Lajmi u nda nga Rama, i cili përmes një reagimi në rrjetet sociale, postoi dhe pamje nga pritja që iu bë homologut të tij finlandez.
“Kënaqësi të mikprisja kryeministrin e Finlandës Petteri Orpo, teksa diskutuam mbi forcimin e bashkëpunimit dypalësh dhe sfidat e përbashkëta europiane”, shprehet kreu i qeverisë Rama.
Kujtojmë se në Samitin e ditës së nesërme do të marrin pjesë 40 lider shtetesh, të BE-së dhe përfaqësues të NATO-s.
