Kryeministri Edi Rama ka dhënë një prononcim për media, në samitin BE-Ballkani Perëndimor që po mbahet ditën e sotme në Tiranë.
Gjatë fjalës së tij, Rama ka deklaruar se samiti që organizohet sot është një sinjal i fortë i BE se ka nevojë për Ballkanin Perëndimor, ashtu si dhe e anasjellta .
“Ka qenë diçka që edhe ai me imagjinatën më guximtare nuk do të kishte përfytyruar që do të ndodhte dhe po ndodh. Mendoj se është një sinjal i fortë i vetëdijes së Bashkimit Europian se Bashkimi Europian ka nevojë për Ballkanin Perëndimor po aq sa Ballkani Perëndimor ka nevojë për Bashkimin Europian. Deri dje kishim një mot si në Bashkimin Europian, por nuk mund të ju mirëprisnim me atë mot dhe sollëm diellin për ju dhe shpresoj që ta vlerësoni”, u shpreh Rama./Opinion.al
