Pas deklaratave të Gazment Bardhi, se Kuvendi kishte vendosur shtimin e gardistëve në sallë, ka ardhur edhe reagimi nga ky institucion.
Sipas “News24”, burime nga Kuvendi thonë për se kryeparlamentarja Lindita Nikolla, nuk ka dhënë asnjë urdhër për masa të veçanta në sallën e seancave plenare për seancën e së hënës.
Në këtë seancë pritet të diskutohet për projekt-buxhetin e vitit 2024. Opozita ka paralajmëruar se do të vazhdojë aksionin e saj për bllokimin e seancave plenare.
Më herët gjatë ditës, Gazment Bardhi shkroi se Nikolla ka urdhëruar në mënyrë të paligjshme Gardën për të rrethuar të hënën sallën e seancave plenare.
