Ish-Kryeministri Sali Berisha nuk ka qendruar indiferent ndaj një shkrimi në median e huaj dhe më pas të botuar edhe në ato vendase, ku pikturat e Edi Ramës cilësoheshin si pikturat e një të droguari. Berisha shkruan se gazetarët si të ishin psikiatër kanë analizuar Ramën si një zhgarravitës haluçinant.
Postimi i Berishës
Kritiket e artit shkruajne per zhgarravinat e Rames ne Bienale se ato jane si zhgarravinat e nje te droguari që nuk kanë vlerë tjetër veçse ato janë të një kryeministri!
Te dashur miq, ne psiqiatri diagnoza e pacientit, me sakte se sa me çdo gje tjeter arrihet duke analizuar shkrimet dhe vizatimet e tij ne rast se pacienti ka nga ato. Ne bienale te Venecias dy kritike arti, sikur te ishin psiqiater vleresuan zhgarravinat e Rames si zhgarravinat e nje adoleshenti te droguar, te cilat ndonese ishin pa rendesi pra pa vlere, ishin ekspozuar aty sepse ishin te nje kryeministri.
Shkrimi në fjalë është publikuar në Artsy.net nga gazetarët Alexxa Gotthardt dhe Scott Indrisek. Ato i krahasojnë pikturat e Edi Ramës me eksperimentet mbi librin e shënimeve të një adoleshenti të droguar kolegjesh. “Në segmentin Giardini, të “Viva Arte Viva”, një dhomë e madhe është e mbuluar me një letër muri, me një seri vizatimesh gjeometrike, shumëngjyrëshe, pak si eksperimentet në fletoren e një djali kolegji të talentuar nën efektin e drogës. Për të qenë të sinqertë deri në fund, punimet nuk do të kishin ndonjë rëndësi, sikur të mos ishin bërë nga kryeministri i Shqipërisë, një njeri që u bë i famshëm sepse ngjyrosi pallatet në Tiranë, kur ishte kryetar Bashkie. Një letër muri e ngjashme është përdorur për të dekoruar zyrën e tij në godinën e qeverisë. Vizatimet janë bërë në dokumentet dhe letrat e zyrës së tij, të përzgjedhura gjatë ditës së punës”, shkruajnë gazetarët e huaj.
