Performanca e Rita Orës në sheshin e Prishtinës me rastin e 10-vjetorit të Pavarësisë së Kosovës nuk do të harrohet lehtë. Ajo ngriti në këmbë gjithë qytetitn, ndërsa të shumtë ishin pjesëmarrësit edhe nga vende të ndryshme të rajonit. Sali Berisha, ish – kryeministri i Shqipërisë ishte pjesë e festimeve, ndërsa ky i fundit ditën e sotme ka bërë edhe një dedikim të veçantë për Rita Orën.
“Foto nga festimet e 10 vjetorit te Pavaresise te Kosoves!
Rita Ora, mbretresha e festes se 10 vjetorit te Pavaresise! Sb” – shkruan Berisha bashkangjitur fotos së këngëtares gjatë koncertiti.
Nuk është hera e parë që Berisha shpreh pëlqimin për këtë këngëtare. Në vitin 2012, ajo ishte e ftuara e tij për festimet e 100 vjetorit të pavarësisë së Shqipërisë, kohë kjo kur ai ishte ende kryeministër.
