Një ngjarje e pazakontë ka ndodhur ditën e sotme në Tiranë, ku një 27-vjeçar ka njoftuar policinë duke deklaruar një grabitje të rreme. 27-vjeçari, menaxher në një supermarket në Tiranë, ka pretenduar se i janë grabitur 5 milionë lekë, ndërsa më vonë u zbulua nga policia se personi në fjalë këto para i kishte humbur në lloto. Paratë ishin xhiro ditore e supermarketit, dhe i zënë ngushtë, Albi Çeliku ka zgjedhur të pretendojë një grabitje. Menjëherë pas verifikimit, policia ka bërë arrestimin e tij.
Njoftimi i policise
Tiranë.
Sajon grabitje me dhunë nga persona të armatosur.
Policia arreston 27 vjeçarin.
Shërbimet e Policisë Tiranë arrestuan shtetasin :
– Albi Celiku, 27 vjeç, banues në Tiranë.
Ky shtetas më datë 02.10.2017, rreth orës 10:50, ka bërë njoftim të rremë në organet e policisë të rendit, duke njoftuar se është grabitur nga persona të armatosur të cilët i kanë vjedhur me dhunë shumën prej 500 000 lekë të reja.
Nga hetimet e kryera rezulton se ky shtetas shumën prej 500 000 lekë të reja e ka lënë në disa pika bastesh.
Nga ana e shërbimeve të policisë janë dokumentuar dhe ambientet se ku ky shtetas ka humbur këtë shumë lekësh duke luajtur në disa pika bastesh sportive.
Materialet iu referuan Prokurorisë së Rrethit Gjyqësorë Tiranë, në ngarkim të shtetasit të lartpërmendur për veprën penale ” Kallzim i rremë në organet e policisë”, parashikuar nga neni 305 i Kodit Penal.
