Është shtyrë për në datën 11 nëntor seanca ku do të shqyrtohet kërkesa e Safet Gjicit për lirimin nga qelia për motive shëndetësore.
Gjici vazhdon qëndrimin në spital privat për shkak të gjendjes shëndetësore, me probleme të sistemit kardiovaskular, zmadhim te aortës dhe diabet të formës së rënduar.
Ndërkohë prokuroria ka kërkuar informacion shtesë nga IEVP për të gjitha trajtimet mjekësore dhe vlerësimin e Institutit të Mjekësisë Ligjore.
“Të sillen të gjitha kartelat mjekësore të Gjicit që nga koha e paraburgimit. Të dërgohet një raport nga IEVP Lushnjë mbi dinamikën e vuajtjes së dënimit të Gjicit. Të sillet një raport vlerësimi nga shërbimi i provës. Kartelat mjekësore do të shqyrtohen nga mjekët ekspertë seancën tjetër”, mësohet të jetë thënë në seancë.
