Ditën e sotme nënkryetari i Partisë Demokratike deklaroi nga selia blu se personi i cili kërcënoi me vdekje kryetarin e Komisionit të Zgjedhjeve, Klement Zguri dhe familjen e tij, është i njëjti që ka kërcënuar dhe profesorin Aurel Plasari.
Pas kësaj deklarate ka reaguar vet Plasari, i cili ka publikuar me foto mesazhin kërcënues të mbërritur në adresë të tij, në datë 27 qeshor 2019.
Emri i personit që ka kërcënuar profesorin është Emiljan Pjetri, i cili në mesazhin kërcënues i ka shkruar “sa vjaza ke?”.
Në reagimin e tij, Aurel Plasari kërkon që të saktësohet edhe emri i kërcënuesit të Zgurit. Plasari shkruan në rrjetet sociale se këtë publikim po e bën që ta shohë ministri i Brendshëm, Sandër Lleshaj, i cili sipas tij, ruan gazin lotsjellës.
Postimi i Plasarit:
Lërcënime ndërsa ministri Lleshi ruan gazin
Lidhur me kërcënimin ndaj Kryetari i KQZ Klement Zguri do të duhet saktësuar emri i përdorur nga kërcënuesi, sepse nga një emër pakashumë i tillë më është dërguar edhe mua një kërcenim i tërthortë dhe poshtanik, më datë 28 qershor nga fb me emrin “Emiljano Pjetri”, pra me gjasë i njëjti kërcënues.
Nuk kam dashur ta bëj publik duke më mjaftuar të kuptoj se në ç’frymë u përgatit 30 qershori i Edi Ramës.
Ndonëse e di që për mbrojtjen time dhe të të mijve nuk mobilizohet ndonjë “gardë”, po e bëj publik tani së paku si të fala për ministrin Lleshi që ruan gazin lotsjellës./ Opinion.al E.Xh.
