Fiksimi është padyshimpjesë e karakterit të çdo njeriu. Disa fiksohen shumë edhe pas vogëlsirave, e ndërsa disa të tjerë as që duan t’ia dinë fare. Astrologët kanë bërë një renditje nga shenjat më të fiskuara, te ato që nuk janë fare. Hidhini një sy, dhe zbuloni si renditet shenja juaj apo e partnerit.
1 – Akrepi – Sigurisht që do kryesonte listën. Janë të fiksuar pas çdo gjëje. Gati maniak janë këta persona. Bëni kujdes nëse jeni në një lidhje me ta.
2 – Gaforrja – Shenjat e ujit janë përgjithësisht më të fiksuara nga të gjitha. Sigurisht nuk mund të mungonin Gaforret sentimentale, të cilat edhe një fjalë e vogël, i ngel në mendje.
3 – Demi – Nëse këta persona fiksohen pas diçkaje ose dikujt nuk ka Zot që mund t’i ndalë. Këmbëngulja e tyre nuk ka të mbaruar, ndaj edhe renditen të 3.
4 – Peshqit – Ata bëhen obsesiv nëse dikush i pëlqen ose ndjejnë një farë lidhjeje shpirtërore. Me kritikat nuk i kanë punët mirë, sepse preken aq shumë sa fiksohen me orë të tëra.
5 – Peshorja – Një nga fiksimet më të shpeshta të Peshores, është të mos qëndruarit vetëm. Kjo shenjë e urren vetminë, ndaj fiksohen shumë pas fenomenit.
6 – Dashi – Pasioni i madh që kanë të lindurit e kësaj shenje, shpesh kthehet në fiksim. Por në një fiksim aq të madh, sa mund ti ndikojë edhe në jetën e tyre.
7 – Luani – Janë të fiksuar, por me veten e tyre. Luani dëshiron çdo gjë sipas mënyrës dhe egos së tij. Kjo mund ta kthejë në të fiksuar.
8 – Virgjëresha – Janë të fiksuar me perfeksionin. Akoma nuk ka dalë dikush ti mbushë mëndjen Virgjëreshës, që ky term nuk ekziston.
9 – Bricjapi – Të fiksuar vetëm pas punës. Nëse nuk i kujton dikush, mund ti gjesh të flenë mbi tavolinën e zyrës.
10 – Binjakët – Ndrrojnë aq shpesh dhe aq shpejtë mendje, sa nuk kanë kohë të fiksohen. Prandaj janë të renditur të 10.
11 – Ujori – Është e pamundur të fiksosh një Ujor. Ata nuk humbasin kohë me gjëra të cilat kërkojnë vëmendje të sëmurë. E duan lirinë, ndaj nuk preken nga fiksimet.
12 – Shigjetari – E çfarë të thuash për ta. Nuk mund ti fiksojë asgjë, sepse janë shumë të zënë duke shijuar jetën.
