Kryeministri Edi Rama ka qenë sot në një takim në Lurë, ku i shoqëruar edhe nga Ministri i Bujqësisë Niko Peleshi ka premtuar për banorët investime për të ndikuar zhvillimin. Por gjatë takimeve nuk kanë munguar as batutat, kur njëri prej banorëve të moshuar të zonës i ka pohuar Ramës se ai vetë është demokrat i ditëve të para dhe asnjëherë nuk ka votuar për Partinë Socialiste.
Qytetari është shprehur i pakënaqur nga qeverisja, kur ka thënë se ka punuar gjithë jetën dhe u shpërblye me një pension qesharak, ndërkohe që ata demokratë që ishin në punë, sa erdhën socialistët i hoqën nga puna.
Por Rama duket se nuk është vënë në siklet nga kjo situatë, duke u shprehur se ai do të fitojë prapë edhe pa votën e atij qytetari.
Dialogu
“Sa ta marrë Saliu, gjithë të tutë t’i pushojë nga puna, sepse sa erdhe ti na pushove ne të gjithëve, unë jam i kënaqur se jam i persekutum si gjysma e popullit”- tha ai.
Rama; Po ti the që i paskam hequr të gjithë, puna është se të mitë më thonë, nuk ke hequr asnjë, kësaj si i bëhet. Po nejse, ti votën atje, nuk ka problem, si me votën tënde, si jo, ne fitojmë prapë, por një gjë duhet thënë, nga ne fiton edhe ti, me ata nuk fiton asnjë.
