Që në muajin shkurt kur kryetari i PD, Sali Berisha u shfaq në një konferencë për mediat me Chris LaCivita, tashmë drejtuesi i fushatës së PD, pyetje që i është drejtuar më shpesh ka qenë se sa është pagesa për shërbimet e tij.
Kjo pyetje i është drejtuar vet LaCivita në emisionin Opinion, por përsëri shifra e parave nuk është zbuluar.
LaCivita tha se kjo shifër do të zbulohet sipas kushteve që ia imponon kontrata që ka me PD si dhe sipas rregullave në vendin tonë.
Pjesë nga intervista
Fevziu: Folët për ngjashmëri midis të situatës politike në Amerikë dhe të situatës politike në Shqipëri. Cilat janë këto ngjashmëritë?
LaCivita: Ngjashmëria më e madhe është situata aktuale ekonomike. Çmimet janë rritur. Kostoja e jetesës është shumë e lartë. Gjërave bazike janë shumë të shtrenjta. Punët janë një çështje e rëndësishme. Qëndrueshmëria ekonomike është një çështje shumë e rëndësishme. Këto kanë qenë çështje të rëndësishme edhe në Amerikë. Kjo ishte arsyeja pse Trump-i fitoi. Edhe ai ka ndryshuar shumë prej këtyre gjërave që prej 100 ditëve të para në zyrë. Nga pikëpamja ekonomike këto janë shumë të rëndësishme dhe mendoj po ashtu se disa prej gjërave me të cilat u përball presidenti Trump ng a administrata e Biden-it janë shumë të ngjashme, mendoj, me ato që ka kaluar doktor Berisha. Pra, ka një sinergji të mirë dhe mënyrës se si funksionojnë këto gjërat.
Fevziu: Kam një pyetje të ndjeshme, nëse mund ta quaj kështu. Sa ka kushtuar kontrata që keni nënshkruar me Partinë Demokratike, cilat janë termat financiar?
LaCivita: Sa para nxjerr ti?
Fevziu: S’kam si ua them këtë gjë.
LaCivita: Pikërisht. E di që ligjet e kontratave janë miratuar nga avokatët e mijë, avokatet e partisë dhe këto shifra do të bëhen publike në një çast tjetër, pra ka një agjendë se kur do të publikohen. E kuptoj se disa njerëz duan të bëjnë pyetje të tilla, sidomos nga ana e Edi Ramës…
