Forcat ruse qëlluan me raketa qytetin e Dnipro mbrëmjen e djeshme, duke plagosur shtatë persona dhe duke dëmtuar ndërtesa banimi dhe pjesë të qytetit.
“Ka pasur shpërthime të fuqishme në Dnipro në mes të natës. Armiku goditi qytetin me raketa. Njëra prej tyre u rrëzua,” tha Serhii Lysak, kreu i administratës ushtarake të rajonit Dnipropetrovsk.
“Shtatë persona u plagosën, duke përfshirë tre burra dhe katër gra, të moshës 32 deri në 55 vjeç. Shumica e tyre kishin plagë nga predha. Gjashtë u shtruan në spital në gjendje të rënduar”, shtoi ai.
Një objekt transporti u shkatërrua në sulmet ajrore dhe rreth një duzinë ndërtesash u dëmtuan duke përfshirë një bankë, një pikë karburanti, një hotel dhe një kompani bujqësore. Dy ndërtesa banimi dhe tubacione uji dhe gazi u dëmtuan gjithashtu.
Sulmet shkaktuan gjithashtu një zjarr që më vonë u kontrollua nga autoritetet, sipas Mykola Lukashuk, kreu i këshillit të rajonit Dnipropetrovsk./Opinion.al
