Procedohen penalisht në gjendje të lirë tre shtetas Rumunë për ‘’Mosdeklarim të sendeve me vlerë’’. Sekuestrohen 6 kg e 456 gr bizhu të dyshuara si flori ,si dhe mjeti me te cilin udhëtonin. Në Pikën Kufitare Kakavijë në dalje të Republikës së Shqipërisë është paraqitur shtetasi Rumun P. S , 46 vjeç , me automjetin tip ‘’ Volsvagen’’ me targa MAAK 256 . Me këtë shtetas udhëtonin dhe dy shtetas të tjerë S. S., 41 vjeç ,banues në Rumani dhe Dh.S. , 27 vjeç , banues në Rumani.
Pas procedurave të regjistrimit në Sistemin ’’TIMS’’ , punonjësit e Policisë Kufitare Kakavijë e kanë kaluar automjetin në vijën e dytë për një kontroll më të detajuar . Gjatë kontrollit në pjesën e brendshme të ‘’Air Back’’ tek kroskoti i makinës janë konstatuar të vendosura në disa çorape bizhu dhe zinxhirtë të dyshuar si flori.
Menjëherë u bë bllokimi i mjetit dhe i sendeve. Pesha totale e bizhuve ishte 6 kg e 456 gr. Në përfundim të veprimeve të para hetimore filloi procedimi penal në gjendje të lirë i të tre shtetasve rumunë. Materialet i kaluan Prokurorisë së Rrethit Gjyqësorë Gjirokastër për veprën penale ‘’Mosdeklarim të hollash dhe të sendeve me vlerë’’.
