Gazetarja Rudina Xhunga së bashku me bashkëshortin Dritan Hila ishin të ftuarit e radhës, në emisionin ‘Kush vjen për drekë’ në televizionin ‘Klan’, ku përveçse gatuan pjatat e tyre të preferuara, folën sigurisht edhe për jetën private.
E pyetur nëse konsumonte duhan, Xhunga rrëfeu, se e kishte lënë atë para disa kohësh dhe se shkak, për një gjë të tillë ishte bërë pikërisht e bija, Alana, e cila në ditëlindjen e saj, i kishte bërë pikërisht këtë kërkesë.
‘Më tha: ‘Dua të lësh cigaren sepse nuk dua që të sëmuresh!’ Më preku shumë!’, rrëfeu moderatorja në studion e emisionit.
Ajo gjithashtu tregoi se që prej asaj dite, ato kishin një lloj arke kursimi, ku tani fusnin të gjitha paratë që Rudina do të kishte shpenzuar për të blerë cigaret.
