Deputetja e Kuvendit të Shqipërisë, Rudina Hajdari ka reaguar në lidhje me ngjarjen e përfolur ditët e fundit për çmimin e dhomave të hoteleve ku ka qëndruar gjatë udhëtimeve zyrtare ministrja e Drejtësisë, Etilda Gjonaj.
Hajdari e ka mbështetur Gjonajn duke nënvizuar se ndonëse ajo është anëtare e mazhorancës nuk mund të sulmohet me akuza “të rëndomta”.
Kjo ngjarje për deputeten Hajdari është thjesht për të hedhur baltë nga persona që sipas saj nuk e kanë as tagrin moral për të bërë moral.
“Ndonëse Etilda Gjonaj është pjesë e mazhorancës, nuk më duket normale të sulmohet një grua politikane mbi baza të rëndomta, që nuk kanë lidhje me profesionin e saj. Njerëz që kurdisin gjëra kaq banale nuk e kanë as tagrin të bëjnë moral, thjesht gjejnë alibi për të hedhur baltë” shkruan deputetja Hajdari në Tëitter. /Opinion.al
