Kreu i Grupit Parlamentar të PS, Gramoz Ruçi i ka dërguar letër Kreut të Kuvendit, Ilir Meta ku kërkon përjashtimin e tre deputetëve të PD-së, që qëlluan me vezë ndaj Kryeministrit Rama në seancën e sotme parlamentare.
“Bazuar në nenin 65 të Rregullores së Kuvendit, Grupi Parlamentar i PS i ka kërkuar Kryetarit të Kuvendit të mbledhë urgjentisht Byronë e Kuvendit, për të shqyrtuar kërkesën për përjashtim nga punimet e Kuvendit në seancë plenare dhe në komisione deri në 10 ditë për deputetët e grupit Parlamentar të Partisë Demokratike: Genti Strazimiri, Albina Dede, Bedri Hoxha”, shkruan letra e Ruçit.
