Teksa zhvillonte rubrikën e rradhës ‘Sy m’sy’, kryeministrit Edi Rama i ndodhi një incident gjatë mëngjesit të sotëm.
Në momentin që po komunikonte me ndjekësit në rrjetet sociale, bufi të cilin e mban mbi tavolinë, iu rrëzuar dhe ra.
“O buf, ra bufi e shifni. Po ne nuk e lëmë të bjerë”, tha Rama teksa e ka marrë dhe e ka vendosur sërish mbi tavolinë.
Gjatë fjalës së tij në vazhdim, ai ka ironizuar sërish kreun e PD, Sali Berisha teksa thotë se veç PS mund “ta kyçë” Shqipërinë në BE, ndërsa të tjerët minimalisht do të shkaktonin një vonesë që do të çonte në mbylljen e asaj dere që është hapur.
“Bufi i kënetës që është në rrjedhje është e qartë. Nuk është çështje moshe, por çështje e atyre që e lënë dhe bëhet meme përditë. Vetëm unë dhe PS e kyçim Shqipërinë në BE, nuk e bën dot askush tjetër. Cilido tjetër, minimalisht do të shkaktonte një shtyrje apo një vonesë që do të çonte në mbylljen e asaj dere që është hapur”, tha Rama.
