A ju ka rastisur që dyshoni se ajo çka keni blerë nuk është në peshën reale? Këtu faji nuk është vetëm i disa bizneseve që kërkojnë të zhvasin por edhe i disa punonjësve të shtetit që marrin rrogën për të kontrolluar këto peshore.
Zakonisht dyshimet më të mëdha kanë qenë për kaburantet që nuk fusin në sabrator sasinë e karburantit që ke paguar. Por jo vetëm ka edhe raste të tjera mashtrimi. Në Fier për shembull janë arrestuar sot 2 Specialistë në Drejtorinë e Meteorologjisë sepse përmes rryshfetit linin pa kolauduar peshoret e biznesnit që punojnë me skrapin.
Ata janë:
1.Rudin Faskaj, 53 – vjeç, banues në fshatin Cakran, Fier.
2. Dylber Tarelli, 55 – vjeç, banues në lagjen “Konferenca e Pezës” , Fier (të dy me detyrë Specialistë në Drejtorinë e Meteorologjisë Fier).
Policia njoftoi se arrestimi i tyre u bë pasi në bashkëpunim me njëri – tjetrin, i kanë marrë në formë rryshfeti 55000 lekë shtetases R.M, 37 – vjeçe, banuese në lagjen “15 tetori” Fier, kundrejt kolaudimit në mënyrë fiktive të aparatit të peshmatjes të cilin kjo shtetase e përdorte në biznesin e saj të liçensuar për shit- blerje skrapi.
Materialet i kaluan Prokurorisë pranë Gjykatës shkallës parë Fier, për veprën penale ” Korrupsion pasiv i personave që ushtrojnë funksione publike”.
