Kjo është rruga hyrëse e lungomares në Vlorë.
Një nga projektet e trumbetuara me të madhe nga qeveria dhe nga vetë kryeministri, Edi Rama.
Pa folur për plazhin apo ndërtimet e shkatërruara dhe mbeturinat inerte, kjo rrugë e ngushtë ku mund të kalojë vetëm një makinë në një krah është cudia më e madhe që mund të ndeshësh vetëm në vende si Shqipëria.
Në këtë rrugë me një kalim, dhe trafik të rënduar përballen cdo ditë jo vetëm qytetarët e Vlorës, rrethinabe por edhe i gjithë plazheve të jugut.
Në këtë rrugicë kalojnë cdo fundjave mijëra makina të pushuesve, që kalojnë qytetin e Vlorës për t’iu drejtuar plazheve të Radhimë, Orikumit, Dhermiut, Jales e dhjetra te tjereve deri në Sarandë.
Por duket se prerja e shiritit ka qene i vetmi akt serioz i kësaj pune. Sepse nëse dikush do merakosej për trafikun dhe mundimin e pushuesve, dikush tjetër duhet të japë llogari si i bëhet nëse në vargun me një kalim të makinave ka një ambulancë apo ndonjë emergjencë? Dikush duhet të merakoset se si do ja bëjë të kalojë në të vetmen rrugë lidhësr mes Vlorës dhe plazheve të jugut kur mos të ketë me eskorten e shoqërimit.
Ndërsa për ne të tjerët, e vetmja shpresë mbetet që ai që e trumbetoi me të madhe lungomaren, të ketë mirësinë të pranojë, që të paktën këtë gjë e dizenjoi me duart e veta prej artisti.
