Në një postim në rrjetin social Facebook, kryeministri Edi Rama ka ndarë pamje nga përgatitjet për asfaltimin e rrugës lidhëse mes Urës së Bilçës dhe Drobonikut.
Sipas Ramës projekti synon të lehtësojë lëvizjen, të mbështesë zhvillimin bujqësor dhe të nxisë turizmin në zonë.
Rruga do të krijojë akses më të mirë për fshatrat përreth dhe do të lidhë Beratin me jugun e Shqipërisë. Kryeministri e cilëson këtë investim si një “urë zhvillimi” për rajonin.
Postimi i kryeministrit Edi Rama:
MIRËMËNGJES 😊
dhe me pamjet nga përgatitjet për fazën e asfaltimit të rrugës lidhëse mes Urës së Bilçës dhe Drobonikut, një projekt i shumëpritur që nuk është thjesht një rrugë në hartë, por një urë zhvillimi që rrit aksesin për fshatrat përreth, mbështet bujqësinë dhe hap një derë të re për fluksin turistik që vjen nga Jugu drejt Beratit dhe anasjelltas, ju uroj një javë të mbarë.
