E rikonstruktuar përpara tre vitesh, për plot 300 milionë lekë, ka rezultuar një dështim. Segmenti rrugor Polici-Stadiumi Tomorri në qytetin e Beratit, është çarë dhe është shembur në njërin krah, gjatë qarkullimit të automjeteve në rrugë.
Një automjet që ishte në ecje përgjatë këtij aksi, ka rënë në gropën e shembur në rrugë. Automjeti ka pësuar dëme materiale dhe fatmirësisht nuk ka pasur të lënduar në njerëz, ndërkohë që dëmtimi i rrugës në këtë segment ka vështirësuar mjaft qarkullimin e mjeteve në rreth-rrotullimin e stadiumit.
Zyrtarët e pushtetit vendor në Berat thanë se ky ndërtim ku ka ndodhur edhe shembja nuk ka lidhje me kanalin e ri, të ndërtuar gjatë investimit të fundit të bashkisë./ Opinion.al
