Ka ndërruar jetë gjatë pasdites, në Burgun e Rrogozhinës, ish-drejtori i Emergjencave Civile të Lushjës, Robert Shtëmbari. 55 vjeçari, ndërroi jetë si pasojë e një sulmi në zemër. Shtëmbari ishte arrestuar në muajin nëntor për korrupsion, në dyshimin se merrte 100 mijë lekë të reja për çdo punësim në drejtorinë e tij. Ai akuzohej për “korrupision pasive të zyrtarëve të lartë”.
Sipas njoftimit të Drejtorisë së Përgjitshme të Burgjeve, ngjarja ndodhi në orën 16.40, momenti kur është njoftuar mjeku roje i institucionit. Menjëherë pasi i është dhënë ndihma e pare ne institucion, Shtëmbari është nisur për trajtim të specializuar në qendrën shëndetësore Rrogozhinë, ku ka mbërritur në orën 16:50. Vetëm 20 minuta më pas i paraburgosuri ka ndërruar jetë.
Shtëmbari vuante prej kohësh nga tensioni i lartë, gjë për të cilen trajtohej rregullisht. Vetem dy ditë më parë ai është shoqëruar për një vizitë tek mjeku specialist.
