Së shpejti do të zhvillohen zgjedhjet në Parlamentin Europian. Por përtej rëndësisë politike për të ndërtuar ura bashkëpunimi dhe stabilitet mes shteteve, çfarë përfiton një person nëse bëhet deputet në Parlamentin Europian.
Sipas të dhënave, një deputet, mund të përfitojë paprekshmëri, pensione të arta dhe shumë avantazhe të tjera. Pra, nuk është vetëm një arsye që persona të ndryshëm të lakmojnë një vend në këtë parlament.
Që nga heqja e shpenzimeve deri tek pensioni i artë. Ka shumë avantazhe në të qënurit një deputet në parlamentin europian. Të paktën dy muaj para zgjedhjeve evropiane, mediat bëjnë disa llogari në xhepin e eurodeputetëve duke hartuar një listë me përfitimet që e bëjnë kaq të dëshirueshëm një vend në parlamentin evropian.
Rroga e një anëtari i PE është 9 mijë euro në muaj, duke hequr dhe taksat, rroga shkon rreth 7 mijë euro.
Po ashtu, një deputet merr 4500 euro për shpenzime të përgjithshme gjatë kohës që është në PE, këtu përfshihen shpenzimet e zyrës, qerasë, kompjuterit, telefonit etj
Por, dhe kur një deputet largohet nga parlamenti ai ka të drejtën e marrjes së pagesës tranzitore, që është e barabartë me një pagë mujore, për çdo vit që kanë mbajtur postin. Kjo do të thotë se çdo deputet mund të marrë deri në 210 mijë euro.
Ish deputeti ka të drejtën e një page tranzitore të plotë dhe nëse punësohet në sektor privat, pavarësisht arsyes për të cilën është larguar nga posti i tij në parlament.
Deputetët në parlamentin evropian marrin rimbursime për shpenzimet e udhëtimit për të marrë pjesë në mbledhjet e parlamentit, por vetëm në rast se dorëzojnë faturat.
Ata gjithashtu marrin 320 euro për çdo ditë që qëndrojnë në Bruksel apo Strasburg për arsye pune.
Çdo deputet ka një buxhet mujor prej 25 mijë eurosh për rekrutimin e asistentëve personalë, dhe secili mund të punësojë maksimumi tre asistentë.
Por ka një rregull shumë të qartë, asnjë deputet nuk mund të punësojë një të afërm. Euro-deputetët mund dhe të përdorin automjetin e parlamentit evropian.
Në moshën 63 vjeçare deputetët e parlamentit evropian përfitojnë një pension prej 3.5 për qind për çdo vit që kanë mbajtur postin. Shpenzimi i pensioneve mbulohet nga buxheti i bashkimit evropian.
Gjithashtu, nëse je anëtar në PE, Brukseli mbulon dy të tretat e shpenzimeve mjekësore./ Opinion.al E.Xh.
