Vetëm 4 vite pasi smartphonët e parë 4G tronditën tregun e teknologjisë, industria po përgatitet për modelin 5G. Kompanitë e zhvillimit të rrjetit po përgatiten për ta hedhur shumë shpejt në treg teknologjinë e rrjetit 5G. Por përpara kësaj është e nevojshme që industria të sqarojë se çfarë nënkupton realisht rrjeti 5G.
Gërma “G” në rrjetin 3G, 4G, 5G i takon fjalës “gjeneratë”. Kështu që 5G do të jetë gjenerata e pestë e teknologjisë së rrjetit me valë. Stndartet e 5G-së nuk janë caktuar ende por parashikohet që të përfshijë shërbim Video në formatin 3-D dhe Ultra High Definition.
5G-ja do të jetë më e shpejtë akoma, me një potencial shpejtësie 40 herë më e shpejtë se 4G-ja. Kjo do e lejojë përdoruesin që të shkarkojë edhe filma 3-D në vetëm 6 sekonda, në një kohë kur 4G-ja kërkonte të paktën 6 minuta.
Kjo gjeneratë do të reduktojë shumë kohën që pajisja merr në rrjet për t’ju përgjigjur komandave tuaja. Kështu ju do të aksesoni shumë më shpejt faqet online, videot e mesazhet.
Si do të funksionojë?
Shumë kompani të rrjetit 5G po eksperimentojnë në frekuenca super të larta, deri në 73.000 MHz.
Avantazhi i frekuencave kaq të larta është se sgurojnë të dhëna me shpejtësi më të lartë. Por disavantazhi është se udhëtojnë në distanca të shkurtra dhe mund të penetrojnë me vështirësi në mure. Ndaj do të kërkojë pozicionimin e më shumë kullave të sinjalit nëpër godina e ndërtesa qytetesh.
Kur do të mbërrijë?
Konsensusi i industrisë së rrjetit është që eksperimentet do të vazhdojnë në Korenë e Jugut deri në 2018. Gjasat janë që zhvillimet e mëdha të bëhen realitet i prekshëm për konsumatorin, në vitin 2020.
