Kryeministri Edi Rama po zhvillon ditën e sotme një takim me pensionistët në Durrës.
Gjatë fjalës së tij Rama ka komentuar kritikat për rritjen e pagës për ligjvënësit e Kuvendit.
Ai theksoi se edhe sikur të pezullohej Parlamenti, pagat e deputetëve tek pensionet kanë ndikim vetëm 30 lekë.
“Thonë hiqjani deputetëve fare, pse i marrin, pse i rriten pagat deputetëve, Për shkak të një numri të caktuar deputetësh, figura e deputetit është bërë zhele, shumica e deputetëve nuk e meritojnë fare këtë lloj perceptimi dhe në fund të ditës, pagat për Kuvendin janë paga për Kuvendin, pavarësisht se ç’mund të themi për disa deputetë e për disa të tjerë.
Dhe sigurisht është muhabet kot, sepse nuk mund ta bëjmë hiq një gjë dhe shto një gjë. Nga ato paga merren sigurime shoqërore”, tha Rama.
