Është rritur numri i viktimave nga koronavirusi në Shqipëri. Ministria e Shëndetësisë ka bërë të ditur se një 71-vjeçar i konfirmuar me COVID-19 ka humbur jetën.
I moshuari ishte në gjendje të rëndë prej 1 muaji, me insuficiencë respiratore akute, ka ndërruar jetë në spitalin “Shefqet Ndroqi” mbrëmjen e sotme.
Pacienti 71-vjeçar me inicialet B.S., nga Shkodra, me pneumoni bilaterale, që vuante dhe nga sëmundje bashkëshoqëruese diabet, insuficiencë kardiake, hipertension, anemi kronike.
Deri më tani, 31 qytetarë nuk e kanë fituar dot betejën me COVID19 në vendin tonë./ Opinion.al
