Mbetet i lartë numri i qytetarëve në gjithë vendin që gjobiten për shkak të mosmbajtjes së maskës.
Policia njofton se 727 qytetarë janë konstatuar pa maskë gjatë 24 orëve të fundit dhe për këtë arsye janë gjobitur me 30 mijë lekë të vjetra.
Ky numër qytetarësh të gjobitur është më i lartë se ai i djeshmi (717), gjë që tregon për një trend negativ në mbrojtjen ndaj COVID-19.
Gjithashtu, gjatë kontrolleve janë shoqëruar në ambientet e Policisë në të gjithë vendin, 10 shtetas që nuk kanë pranuar t’i tregojnë punonjësve të Policisë dokumentin e identifikimit apo nuk e kanë pasur atë me vete, të cilët pasi kanë paraqitur dokumentin e identifikimit, janë ndëshkuar me gjobë dhe më pas janë lënë të lirë. /Opinion.al
