TIRANË- Kushdo që regjistrohet në kurs patente nga data 1 Prill 2016 e në vazhdim do të paguajë edhe 30 mijë lekë (të vjetra) më shumë. Janë dy vizita që kryhen tek mjeku okulist dhe otorinolaringologu që do të kushtojë secila nga 15 000 lekë.
Vetëm një muaj pasi përgjysmoi tarifat që paguajnë të pasiguruarit për vizitat te mjeku specialist, Ministri i Shëndetësisë Ilir Meqaj ka firmosur urdhërin për për të bërë me pagesë vizitat e lartpermendura. Theksojmë se këto pagesa do ti kryejnë të siguruarit dhe të pasiguruarit.
Po kaq do të paguajnë edhe ata që do të aplikojnë për leje të përdorimit të armës. Më herët mandatpagesa e aplikimeve për patentë kapte vlerën e 1000 lekëve, por me vendosjen e këtyre dy tarifave të reja, qytetarëve do t’u duhet të paguajnë në total 4 000 lekë për t’u regjistruar në kursin e patentës.
Ministria e Shëndetësisë e ka argumentuar këtë me faktin që nuk bëhet fjalë për kontrolle që i shërbejnë parametrave shëndetësorë, por për raporte që lëshohen për qëllime dytësore, konkretisht për leje qarkullimi dhe leje përdorimi të armëve.
