Shpesh kemi dëgjuar shprehjen: “Vazhdoj të qendroj ende me atë për shkak të fëmijëve!”.
Por a është kjo zgjidhje e shëndetshme për familjen, kur lidhja mes çiftit nuk është më e fortë?
Studiuesit thonë se fëmijët që jetojnë me cilindo nga prindërit e divorcuar, kanë zhvillim më të mirë mendor, se sa ata që jetojnë me prindër që kanë marrëdhënie jo të mira.
Ata kanë studiuar 150 mijë fëmijë, që kanë prindër të ndarë, si dhe fëmijë që jetojnë me prindër të cilët janë në një martesë të palumtur.
Nga gjetjet e Universitetit të Stokholmit rezulton se fëmijët që rriten me prindërit që ‘bashkëjetojnë’, kanë inteligjencë më të ulët dhe mundësi më të vogla zhvillimi.
Debatet në familje, sharjet dhe ofendimet apo akoma më keq dhuna, ndikojnë në mos zhvillimin e fëmijës.
Sipas këtij studimi, rezulton se prindërit që rrinë bashkë, vetëm ‘për hatër të fëmijëve’, janë duke u bërë dëmin më të madh atyre.
Pra sipas studiuesve, kur një lidhje nuk funksionon, rruga e vetme është divorci.
