Një e moshuar ka humbur jetën në zonën e Pukës, pasi teksa po shkonte për në shtëpi ka rënë aksidentalisht në lumin Fan.
Policia bën me dije se ngjarja ka ndodhur në fshatin Gjegjan, Dyshohet se 70-vjeçarja ka rrëshqitur aksidentalisht dhe ka rënë në lumë.
Trupi i pajetë i të moshuarës është nxjerrë nga ujërat e lumit dhe është dërguar për ekzaminim.
“Rreth orës 14:30, teksa kalonte në urën mbi lumin Fan, për të shkuar në banesën e saj, në fshatin Gjegjan, dyshohet se ka rrëshqitur aksidentalisht dhe ka rënë në lum, shtetasja 70 vjeçe, e cila si pasojë ka humbur jetën. Trupi i 70-vjeçares është nxjerrë nga ujërat e lumit dhe është transportuar në IML, për ekzaminim”-njofton policia.
Grupi hetimor po punon për dokumentimin e rrethanave të këtij rasti.
