Gjykata e Posaçme ka rrëzuar kërkesën e avokatëve të Fredi Belerit për përjashtimin nga trupa gjykuese të dy gjyqtarëve, Erion Çela dhe Irena Gjoka.
Kryebashkiaku i zgjedhur i Himarës pretendoi se dy gjykatësit janë treguar të njëanshëm ndaj tij, por GJKKO ka rrëzuar kërkesë e tij.
Gjatë seancës së sotme, ishte i pranishëm edhe vetë Fredi Beleri i cili deklaroi se janë manipuluar provat dhe se ndihej i diskriminuar dhe i ofenduar.
“Çështja është montuar keq. Prokuroria e Vlorës është vënë në shërbim të policisë dhe janë manipuluar provat. Kam kërkuar informacione për personat që kanë falsifikuar provat.
Këto informacione janë të nevojshme një mbrojtje normale. Më kanë futur në burg me një dëshmi penaliteti të falsifikuar. Vijon manipulimi nga Prokuroria, nuk dihet për çfarë arsyesh. Ndihem i ofenduar dhe i diskriminuar. Kërkojnë me doemos të më dënojnë”, tha Beleri para togave të zeza.
Kujtojmë se Beleri ndodhet në qeli që prej 12 majit pasi akuzohet për blerje votash.
