Një 58-vjeçar, punonjës i bashkisë Peqin, është rrëzuar aksidentalisht gjatë punës për krasitjen e pemëve dhe si pasojë ka ndërruar jetë.
Ngjarja ka ndodhur rreth orës 09:30 në lagjen “Xhami”. Viktima është identifikuar si shtetasi me inicialet F. Rr., 58 vjeç, banues në Peqin.
“Rreth orës 09:30, dyshohet se gjatë punës për krasitjen e pemëve në lagjen “Xhami”, është rrëzuar aksidentalisht, punonjësi i bashkisë, shtetasi F. Rr., 58 vjeç, banues në Peqin. Si pasojë e dëmtimeve, ai ka humbur jetën, në spital.
Grupi hetimor ndodhet në vendngjarje dhe po kryen veprimet hetimore për zbardhjen e rrethanave të ngjarjes”-njofton policia.
